પ્લાઉ સહાય યોજના : તમામ પ્રકારના પ્લાઉની ખરીદી પર મળશે ₹89,500 સુધીની સહાય

પ્લાઉ સહાય યોજના | ગુજરાત સરકાર દ્વારા ikhedut portal પર ખેતીવાડીમાં ઉપયોગી સાધન માટે પણ યોજના ચલાવવામાં આવે છે. જેમાં પ્લાઉ સહાય યોજનાનો સમાવેશ થાય છે. આ યોજનાનો લાભ લેવા માટે ખેડૂત ઓનલાઇન અરજી કરવી પડે છે. અરજી કર્યા પછી ખેડૂત યોજનાનો લાભ લેવા માટે પાત્ર બને છે.

તો ચાલો વિગતે જોઈએ કે પ્લાઉ સહાય યોજના થકી ખેડૂતને શું લાભ મળે છે? આ યોજના માટે કોણ અરજી કરી શકે છે? કયા કયા ડોક્યુમેન્ટ ની જરૂર પડે છે ?

પ્લાઉ સહાય યોજના

પ્લાઉ સહાય યોજના એ ખેડુતોને ખેતી માટે આવશ્યક પ્લાઉ (હળ) ખરીદવામાં આર્થિક સહાય આપતી યોજના છે. પ્લાઉનો ઉપયોગ જમીન ખેંચવા, મક્કમ બનાવા અને પાકના વાવેતર માટે જમીન તૈયાર કરવા થાય છે.

પ્લાઉ સહાય યોજનાનો લાભ કયા ખેડૂતો લઈ શકે છે?

• ખેડૂત ગુજરાત રાજયનો હોવો જોઈએ.
• ખેડૂત નાના, સીમાંત અથવા મોટા ખેડૂત પ્રકારનો હોવો જોઈએ.
• ખેડૂત પાસે પોતાનું જમીન રેકોર્ડ ધરાવતો હોવો જોઈએ.
• ખાતા દ્વારા વખતોવખત જાહેર કરેલ પ્રાઇઝ ડીસ્કવરીના હેતું માટે તૈયાર કરેલ પેનલમાં સમાવિષ્ટ ઉત્પાદક ના અધિકૃત વિકેતા પાસેથી લાભાર્થી ખેડૂતે ખરીદી કરવાની રહે છે.

પ્લાઉ સહાય યોજના હેઠળ મળવાપાત્ર સહાય

આ યોજના હેઠળ મળવા પાત્ર લાભો નીચે મુજબ છે.

સામાન્ય વર્ગના ખેડૂતો માટે મળવાપાત્ર લાભો

• એમ.બી. પ્લાઉ/ ડીસ્ક પ્લાઉના કુલ ખર્ચ ના ૪૦-૫૦ % અથવા રૂ. ૧૬ થી ૪૦ હજાર એ બે માંથી જે ઓછુ હોય તે મળવા પાત્ર છે.
• રીવર્સીબલ હાઈડ્રોલિક પ્લાઉ (૨-૩ બોટમ) ના કુલ ખર્ચ ના ૪૦-૫૦ % અથવા રૂ. ૫૬-૮૯.૫૦ હજાર એ બે માંથી જે ઓછુ હોય તે મળવા પાત્ર છે.
• ચીજલ પ્લાઉના કુલ ખર્ચ ના ૪૦-૫૦ % અથવા રૂ. ૧૬-૨૦ હજાર. એ બે માંથી જે ઓછુ હોય તે મળવા પાત્ર છે.
• રીવર્સીબલ મીકેનીકલ પ્લાઉ (૨-૩ બોટમ) ના કુલ ખર્ચ ના ૪૦-૫૦ % અથવા રૂ. ૩૨-૫૦ હજાર એ બે માંથી જે ઓછુ હોય તે મળવા પાત્ર છે.

અનુસૂચિત જનજાતિના ખેડૂતો માટે

• ટ્રેકટર / પાવર ટીલર (૨૦ બી.એચ.પી. સુધી) થી ચાલતા એમ.બી. પ્લાઉ/ ડીસ્ક પ્લાઉના કુલ ખર્ચ ના ૫૦ % અથવા રૂ. ૨૦ હજાર જે ઓછુ હોય તે મળવા પાત્ર છે.
• ટ્રેકટર (૨૦ થી વધુ અને ૩૫ બી. એચ. પી. સુધી) થી ચાલતા એમ.બી. પ્લાઉ/ ડીસ્ક પ્લાઉના કુલ ખર્ચ ના ૫૦ % અથવા રૂ. ૩૦ હજાર જે ઓછુ હોય તે મળવા પાત્ર છે.
• રીવર્સીબલ હાઈડ્રોલિક પ્લાઉ (૨ બોટમ) ના કુલ ખર્ચ ના ૫૦ %અથવા રૂ. ૭૦ હજાર જે ઓછુ હોય તે મળવા પાત્ર છે.
• ચીજલ પ્લાઉ: કુલ ખર્ચ ના ૫૦ % અથવા રૂ. ૨૦ હજાર જે ઓછુ હોય તે મળવા પાત્ર છે.
• રીવર્સીબલ મીકેનીકલ પ્લાઉ (૨ બોટમ) ના કુલ ખર્ચ ના ૫૦%અથવા રૂ. ૪૦ હજાર જે ઓછુ હોય તે મળવા પાત્ર છે.
• ટ્રેકટર (૩૫ બી. એચ. પી. થી વધુ) થી ચાલતા એમ.બી. પ્લાઉ/ ડીસ્ક પ્લાઉના કુલ ખર્ચ ના ૫૦ %અથવા રૂ. ૫૦ હજાર જે ઓછુ હોય તે મળવા પાત્ર છે.
• રીવર્સીબલહાઇડ્રોલીક પ્લાઉ (૨ બોટમ) ના કુલ ખર્ચ ના ૫૦ %અથવા રૂ. ૭૦ હજાર જે ઓછુ હોય તે મળવા પાત્ર છે.
• રીવર્સીબલહાઇડ્રોલીક પ્લાઉ (૩ બોટમ) ના કુલ ખર્ચ ના ૫૦ %અથવા રૂ. ૮૯,૫૦૦/- ઓછુ હોય તે મળવા પાત્ર છે.
• રીવર્સીબલ મીકેનીકલ પ્લાઉ (૨ બોટમ) ના કુલ ખર્ચ ના ૫૦ %અથવા રૂ. ૪૦ હજારજે  ઓછુ હોય તે મળવા પાત્ર છે.
• રીવર્સીબલ મીકેનીકલ પ્લાઉ (૩ બોટમ) ના કુલ ખર્ચ ના ૫૦ %અથવા રૂ. ૫૦ હજાર જે ઓછુ હોય તે મળવા પાત્ર છે.

પ્લાઉ સહાય યોજના માટે જરૂરી ડોક્યુમેન્ટ

• આધાર કાર્ડ
• જમીનના માલિકીનો દાખલો (7/12 અથવા 8/અ ઉતારા)
• ખેડૂત તરીકે નોંધણી (જો હોય તો જ)
• બેંક એકાઉન્ટની વિગતો
• મોબાઈલ નંબર (OTP મેળવવા માટે)
• અનુસૂચિત જાતિ નો હોય તો તેનું સર્ટિફિકેટ
• અનુસૂચિત જનજાતિ હોય તો તેનું પ્રમાણપત્ર
• જો આત્માનું રજીસ્ટ્રેશન ધરાવતા હોય તો તેની વિગત
• જો ખેડૂત સહકારી મંડળીના સભ્ય હોય તો તેની વિગત
• વિકલાંગ અરજદાર માટે વિકલાંગ certificate

પ્લાઉ સહાય યોજના માટે અરજી કરવાનું સમય પત્રક

❖ અત્યારે ચાલુ યોજનાઓ ❖

❖  પપૈયાની ખેતી માટે મળશે ₹ 1 લાખ સુધીની સહાય
❖  નાળિયેરી ખેતી માટે મળશે ₹37 હજાર સુધીની સહાય
❖  ખારેકના રોપા અને ખેતી ખર્ચ માટે મળશે ₹ 2.5 લાખ ની સહાય
❖  ડ્રેગનફ્રૂટની ખેતી માટે ખેડૂતોને મળશે લાખો રૂપિયાની સહાય
❖  આંબા, જામફળ, દાડમ, લીંબુ જેવા ફળપાકો માટે મળશે લાખો રૂપિયાની સહાય
❖  કોમ્પ્રીહેન્સીવ હોર્ટીકલ્ચર ડેવલપમેન્ટ યોજના થકી મળશે 3 લાખ સુધીની સહાય
❖  કેળની ખેતી માટે મળશે ₹ 15 હજાર પ્રતિ હેક્ટરની સહાય
❖  ફળપાકોની ખેતી માટે મળશે ₹ 3 લાખ સુધીની સહાય
❖  આંબા તથા લીંબુના જુના બગીચાઓના નવસર્જન માટે મળશે ₹80,000 સુધીની સહાય
❖  આંબા જામફળની ખેતી માટે સહાય યોજના મળશે ₹44 હજાર સુધીની સહાય

પ્લાઉ યોજના માટે કઈ રીતે અરજી કરવી?

પ્લાઉ યોજના માટેનું ઓનલાઇન ફોર્મ i-khedut પોર્ટલ પર ઓનલાઈન ભરાય છે. નીચેના સ્ટેપ અનુસરી પ્લાઉ યોજના માટે અરજી કરી શકો છો.

1. સૌથી પહેલાં ikhedut નાં પોર્ટલ પર જાઓ.
2. તમારી સામે હોમ પેજ ખુલશે જેમાં મેનું માંથી યોજનાઓ ઓપ્શન પર ક્લિક કરો.
3. તમારી સામે નવું પેજ ખુલશે જેમાં ખેતીવાડી ની યોજનાઓ માટે અહીં ક્લિક કરો લખેલું હશે તેના પર ક્લિક કરો.
4. હવે ખેતીવાડીની યોજનાઓ માં ક્રમ નં 10 પર પ્લાઉ લખેલું છે જેના પર ક્લિક કરો.
5. નવા પેજમાં આ યોજના વિશેની સંપૂર્ણ માહિતી મળશે, જેમાં અરજી કરો લખેલું છે તેના પર ક્લિક કરો.
6. હવે તમને તમે રજિસ્ટર્ડ અરજદાર છો? એવું પૂછવામાં આવશે તેમાં હા કે ના પસંદ કરી, આગળ વધવા ક્લિક કરો બટન પર ક્લિક કરો.
7. નવા ખુલેલા પેજ પર નવી અરજી કરવા અહીં ક્લિક કરો બટન પર ક્લિક કરો.
8. હવે તમારી સામે અરજી કરવા માટેનું ફોર્મ ખુલી જશે જેમાં અરજદાર, બેંક, જમીન અને રેશનકાર્ડની વિગતો કાળજીપૂર્વક ભરો.
9. છેલ્લે કોડ નાખી અરજી સેવ કરો પર ક્લિક કરો. ત્યારબાદ અરજી એકવાર જોઈ લો અને બધી જ વિગતો સાચી હોય તો અરજી કન્ફર્મ કરો.
10. તે પેજ પર અરજી કન્ફર્મ કરવા અહી ક્લિક કરો બટન પર ક્લિક કરો અને તમારો અરજી નંબર અને જમીનનો ખાતા નંબર કે રેશન કાર્ડ નંબર તથા ફોટોમાં આપેલ કોડ નાખી તમારી અરજી કન્ફર્મ કરી લો. (ખાસ નોંધ : અરજી સેવ કર્યા પછી કન્ફર્મ કરવું જરૂરી છે. ફક્ત કન્ફર્મ કરેલ અરજી ધ્યાનમાં લેવાશે.)
11. છેલ્લે તમારી અરજીની પ્રિન્ટ કરી દો અને અરજીમાં લખેલ ડોક્યુમેન્ટ સાથે અરજીને જે તે કચેરીમાં નિયત સમયમાં પહોચાડી દો.

તમે નજીકની ગ્રામ પંચાયત કે CSC સેન્ટર પર જઈ પ્લાઉ યોજના માટેનું ફોર્મ ભરી શકો છો.

આ પણ વાંચો : શ્રેડર સહાય યોજના : શ્રેડર તથા મોબાઈલ શ્રેડર ની ખરીદી પર મળશે ₹1 લાખ 40 હજારની સહાય