આંબા જામફળની ખેતી માટે સહાય યોજના એ ગુજરાત સરકાર દ્વારા ખેડૂતોએ આંબા અને જામફળ જેવી મહત્વપૂર્ણ ફળોની ખેતી માટે સહાય પૂરી પાડવા માટે રચાયેલી યોજના છે. આ યોજનાનો મુખ્ય ઉદ્દેશ ખેડૂતોએ આ ફળોના ગુણવત્તાવાળું ઉત્પાદન વધારવા, પાકની ઉપજમાં વૃદ્ધિ અને નફામાં વધારો કરવાની તક પૂરી પાડવી છે.
તો ચાલો વિગતે જોઈએ કે આંબા તથા જામફળ- ફળપાક સહાય યોજના થકી અરજદારને શું લાભ મળે છે? આ યોજના માટે કોણ અરજી કરી શકે છે? કયા કયા ડોક્યુમેન્ટ ની જરૂર પડે છે ?
આંબા જામફળની ખેતી માટે સહાય યોજના
આંબા તથા જામફળ-ફળપાક સહાય યોજના એ ગુજરાત સરકાર દ્વારા શરૂ કરેલી એક યોજના છે, જે ખેડૂતોને આંબા અને જામફળ જેવા મુખ્ય ફળોના પાકના ઉત્પાદનને પ્રોત્સાહિત કરવા માટે રચાયેલી છે. આ યોજના ખેડૂતોએ આ ફળોને ઊંચી ગુણવત્તામાં ઉગાડવા, પાકની ઉપજ વધારવા, અને બજારમાં સારી કિંમત મેળવવા માટેની સહાય પૂરી પાડે છે.
આ બાબતની યોજનાઓ ખેડૂતોને વધુ સફળ બનવામાં અને તેમના પાકના વેચાણમાં સફળતા મેળવવામાં મદદ કરે છે. આ યોજનાના માધ્યમથી, ખેડૂતો પોતાની ખેતીને વધુ મજબૂત બનાવી શકે છે અને ખોરાક સુરક્ષામાં યોગદાન આપી શકે છે.
આંબા જામફળની ખેતી માટે સહાય યોજનાનો લાભ કયા લાભાર્થીઓ લઈ શકે છે?
આ યોજનાનો લાભ ઘણા લોકો અને કંપનીઓ લઈ શકે છે, જેમ કે:
- ખેડૂત: જે આંબા અને જામફળની ખેતી કરતા હોય છે.
- કૃષિ Cooperatives: જે સંયુક્ત રીતે ઉત્પાદનોનું માર્કેટિંગ કરે છે.
- ફળ ઉત્પાદકો: જે આ ફળોને વિવિધ ઉત્પાદન અને પ્રોસેસિંગ ઉદ્યોગોમાં વાપરે છે.
આંબા જામફળની ખેતી માટે સહાય યોજના હેઠળ મળવાપાત્ર સહાય
આ યોજના હેઠળ મળવા પાત્ર લાભો નીચે મુજબ છે.
- આંબા પાકમાં કલમ દીઠ મહત્તમ રૂ. ૧૦૦/- અથવા પ્રતિ કલમ ખરેખર થયેલ ખર્ચ બે માંથી જે ઓછું હોય તે ધ્યાને લઇ મહત્તમ રૂ. 40,000 પ્રતિ હેકટર સહાય મળવાપાત્ર રહેશે.
- પ્રથમ વર્ષે આંતર પાકમાં અન્ય બાગાયતી પાકના પ્લાન્ટીગ મટીરીયલના ખર્ચના ૫૦ ટકા લેખે મહત્તમ રૂ. 10,000 પ્રતિ હેકટર બે માંથી જે ઓછું હોય તે સહાય મળવાપાત્ર રહેશે.
- જામફળ પાકમાં કલમ/ ટીસ્યુ રોપા દીઠ મહત્તમ રૂ. ૮૦/- અથવા પ્રતિ કલમ/ ટીસ્યુ રોપા દીઠ ખરેખર થયેલ ખર્ચ બે માંથી જે ઓછું હોય તે ધ્યાને લઇ મહત્તમ રૂ. 44,000 લાખ પ્રતિ હેકટર સહાય મળવાપાત્ર રહેશે. પ્રથમ વર્ષે આંતર પાકમાં અન્ય બાગાયતી પાકના પ્લાન્ટીગ મટીરીયલના ખર્ચના ૫૦ ટકા લેખે મહત્તમ રૂ.6,000 લાખ પ્રતિ હેકટર બે માંથી જે ઓછું હોય તે સહાય મળવાપાત્ર રહેશે.
- ખાતાદીઠ મહત્તમ 2 હેક્ટરની મર્યાદામાં સહાય મળવાપાત્ર રહેશે.
આંબા જામફળની ખેતી માટે સહાય યોજના માટે જરૂરી ડોક્યુમેન્ટ
- જાતિનો દાખલો (સક્ષમ અધિકારી દ્વારા) (ફક્ત અનુસુચિત જાતિ / અનુસુચિત જનજાતિ માટે) (લાગુ પડતું હોય તો)
- સક્ષમ અધિકારીશ્રીનું દિવ્યાંગ અંગેનું પ્રમાણપત્ર (ફક્ત દિવ્યાંગો માટે) (લાગુ પડતું હોય તો)
- જમીનની વિગત ૭/૧૨ તથા ૮-અ ની નકલ
- આધારકાર્ડ ની નકલ
- બેન્ક પાસબુકની નકલ અને રદ કરેલ ચેક
- વન અધિકાર પત્ર ધરાવતા હોય તો તેની નકલ (લાગુ પડતું હોય તો)
- સમંતિ પત્રક (સંયુક્ત નામે જમીન ધરાવતા ભાગીદારો માટે ) (લાગુ પડતું હોય તો)
આંબા જામફળની ખેતી માટે સહાય યોજના માટે મહત્વની તરીખ
આંબા જામફળની ખેતી માટે સહાય યોજના માટે ઓનલાઇન અરજી કરવા માટે મહત્વની તરીખ નિચે આપેલ છે.
- ઓનલાઈન અરજીની શરુ તારીખ : 01/10/2024
- ઓનલાઇન અરજીની છેલ્લી તરીખ : 15/10/2024
- તમે આ સમયગાળા દરમિયાન આઈ ખેડૂત પોર્ટલ પર અરજી કરી શકો છો.
આંબા જામફળની ખેતી માટે સહાય યોજના માટે કઈ રીતે ઓનલાઇન અરજી કરવી?
આંબા જામફળની ખેતી માટે સહાય યોજના માટેનું ઓનલાઇન ફોર્મ i-khedut પોર્ટલ પર ઓનલાઈન ભરાય છે. નીચેના સ્ટેપ અનુસરી આંબા તથા જામફળ- ફળપાક સહાય યોજના માટે અરજી કરી શકો છો.
- સૌથી પહેલાં ikhedut નાં પોર્ટલ પર જાઓ.
- તમારી સામે હોમ પેજ ખુલશે જેમાં મેનું માંથી યોજનાઓ ઓપ્શન પર ક્લિક કરો.
- તમારી સામે નવું પેજ ખુલશે જેમાં બાગાયતી યોજનાઓ માટે અહીં ક્લિક કરો લખેલું હશે તેના પર ક્લિક કરો.
- હવે ખેતીવાડીની યોજનાઓ માં ક્રમ નં 1 પર આંબા તથા જામફળ- ફળપાક સહાય યોજના લખેલું છે જેના પર ક્લિક કરો.
- નવા પેજમાં આ યોજના વિશેની સંપૂર્ણ માહિતી મળશે, જેમાં અરજી કરો લખેલું છે તેના પર ક્લિક કરો.
- હવે તમને તમે રજિસ્ટર્ડ અરજદાર છો? એવું પૂછવામાં આવશે તેમાં હા કે ના પસંદ કરી, આગળ વધવા ક્લિક કરો બટન પર ક્લિક કરો.
- નવા ખુલેલા પેજ પર નવી અરજી કરવા અહીં ક્લિક કરો બટન પર ક્લિક કરો.
- હવે તમારી સામે અરજી કરવા માટેનું ફોર્મ ખુલી જશે જેમાં અરજદાર, બેંક,
બેન્ક લોનની તારીખ અને રેશનકાર્ડની વિગતો કાળજીપૂર્વક ભરો. - છેલ્લે કોડ નાખી અરજી સેવ કરો પર ક્લિક કરો. ત્યારબાદ અરજી એકવાર જોઈ લો અને બધી જ વિગતો સાચી હોય તો અરજી કન્ફર્મ કરો.
- તે પેજ પર અરજી કન્ફર્મ કરવા અહી ક્લિક કરો બટન પર ક્લિક કરો અને તમારો અરજી નંબર અને જમીનનો ખાતા નંબર કે રેશન કાર્ડ નંબર તથા ફોટોમાં આપેલ કોડ નાખી તમારી અરજી કન્ફર્મ કરી લો. (ખાસ નોંધ : અરજી સેવ કર્યા પછી કન્ફર્મ કરવું જરૂરી છે. ફક્ત કન્ફર્મ કરેલ અરજી ધ્યાનમાં લેવાશે.)
- છેલ્લે તમારી અરજીની પ્રિન્ટ કરી દો અને અરજીમાં લખેલ ડોક્યુમેન્ટ સાથે અરજીને જે તે કચેરીમાં નિયત સમયમાં પહોચાડી દો.
ખાસ નોંધ : તમે નજીકની ગ્રામ પંચાયત કે CSC સેન્ટર પર જઈ આંબા તથા જામફળ- ફળપાક યોજના માટેનું ફોર્મ ભરી શકો છો.
આ પણ વાંચો : નાળિયેરી ખેતી સહાય યોજના થકી ખેડૂતોને મળશે 37 હજાર સુધીની સહાય