રીપર સહાય યોજના : વિવિધ રીપર મશીનની ખરીદી પર મળશે ₹2 લાખ 50 હજાર સુધીની સહાય

રીપર સહાય યોજના | ગુજરાત સરકાર દ્વારા ખેડૂતો માટે વર્ષ 2024-25 ની મોટાભાગની યોજનાઓ માટે ફોર્મ ભરવાના શરૂ કરવી દેવામાં આવ્યા છે. ખેડૂતો લાંબા સમયથી ખેતીવાડી વિભાગની યોજનાઓ ચાલુ થવાની રાહ જોઈને બેઠા છે. ત્યારે સરકાર દ્વારા ikhedut પોર્ટલ પર ખેતીવાડી વિભાગ યોજનાઓ માટે ઓનલાઇન અરજી ચાલુ કરી દેવામાં આવી છે. રીપર સહાય યોજના પણ ખેતીવાડી વિભાગની એક યોજના છે જેમાં ખેડૂતોને રીપર ખરીદવા માટે 40 % સુધીની સબસીડી મળે છે.

આ યોજનાનો મુખ્ય હેતુ ખેડૂતોને ઓછા ભાવે કૃષિ સાધનો ઉપલબ્ધ કરાવવાનો છે, જેથી ખેતી કામને વધુ સસ્તું અને સરળ બનાવી શકાય. તો ચાલો વિગતે જોઈએ કે રીપર સહાય યોજના થકી ખેડૂતને શું લાભ મળે છે? આ યોજના માટે કોણ અરજી કરી શકે છે? કયા કયા ડોક્યુમેન્ટ ની જરૂર પડે છે ?

રીપર સહાય યોજના

રીપર યોજના એ ખેડૂતોને રીપર મશીન (પાક કાપવા માટેની મશીન) ખરીદવા માટે સબસિડી અને આર્થિક સહાય આપતી યોજના છે. રીપરનો ઉપયોગ મુખ્યત્વે ઘઉં, ધાન, માકાઈ અને અન્ય પાકોની કાપણી માટે થાય છે

રીપર સહાય યોજનાનો લાભ કયા ખેડૂતો લઈ શકે છે?

• ખેડૂત ગુજરાત રાજયનો હોવો જોઈએ.
• ખેડૂત નાના, સીમાંત અથવા મોટા ખેડૂત પ્રકારનો હોવો જોઈએ.
• ખેડૂત પાસે પોતાનું જમીન રેકોર્ડ ધરાવતો હોવો જોઈએ.
• ખાતા દ્વારા વખતોવખત જાહેર કરેલ પ્રાઇઝ ડીસ્કવરીના હેતું માટે તૈયાર કરેલ પેનલમાં સમાવિષ્ટ ઉત્પાદક ના અધિકૃત વિકેતા પાસેથી લાભાર્થી ખેડૂતે ખરીદી કરવાની રહે છે.

રીપર સહાય યોજના હેઠળ મળવાપાત્ર સહાય

આ યોજના હેઠળ મળવા પાત્ર લાભો નીચે મુજબ છે.

• સામાન્ય વર્ગના ખેડૂતો માટે:-ક્રોપ રીપર (સેલ્ફ પ્રોપેલ્ડ) : ખર્ચના ૪૦ % અથવા રૂ. ૬૦ હજાર એ બે માંથી જે ઓછુ હોય તે,
• ટ્રેકટર / પાવર ટીલર (૨૦ બી.એચ.પી. સુધી) થી ચાલતા: ટ્રેકટર ડ્રોઅન ક્રોપ રીપર/ રીપર કમ બાઇંડર: ખર્ચ ના ૪૦ % અથવા રૂ. ૨૪ હજાર એ બે માંથી જે ઓછુ હોય તે.
• સ્ટ્રો રીપર: ખર્ચ ના ૪૦ % અથવા રૂ. ૨૦ હજાર એ બે માંથી જે ઓછુ હોય તે.
• ટ્રેકટર (૨૦ થી વધુ અને ૩૫ બી. એચ. પી. સુધી) થી ચાલતા : ટ્રેકટર ડ્રોઅન ક્રોપ રીપર: ખર્ચ ના ૪૦ % અથવા રૂ. ૩૨ હજાર એ બે માંથી જે ઓછુ હોય તે.
• રેક; સ્ટ્રો રીપર: ખર્ચ ના ૪૦ % અથવા રૂ. ૬૦ હજાર એ બેમાંથી જે ઓછુ હોય તે.
• ક્રોપ રીપર કમ બાઇંડર (ટ્રેક્ટર સંચાલીત): ખર્ચ ના ૪૦ % અથવા રૂ. ૧.૦૦ લાખ એ બેમાંથી જે ઓછુ હોય તે.
• ટ્રેકટર (૩૫ બી. એચ. પી. થી વધુ) થી ચાલતા: ટ્રેકટરડ્રોઅન ક્રોપ રીપર: ખર્ચ ના ૪૦ % અથવા રૂ. ૬૦ હજાર એ બેમાંથી જે ઓછુ હોય તે.
• ક્રોપરીપર કમ બાઇંડર (ટ્રેક્ટર સંચાલીત): ખર્ચ ના ૪૦ % અથવા રૂ. ૧.૨૦ લાખ એ બેમાંથી જે ઓછુ હોય તે
• સેલ્ફપ્રોપેલ્ડ રીપર કમ બાઈંડર (૪ વ્હીલ) કુલ ખર્ચના ૫૦ % અથવા રૂ.૨.૫૦ લાખ એ બે માંથી જે ઓછુ હોય તે

રીપર સહાય યોજના માટે જરૂરી ડોક્યુમેન્ટ

• આધાર કાર્ડ
• જમીનના માલિકીનો દાખલો (7/12 અથવા 8/અ ઉતારા)
• ખેડૂત તરીકે નોંધણી (જો હોય તો જ)
• બેંક એકાઉન્ટની વિગતો
• મોબાઈલ નંબર (OTP મેળવવા માટે)
• અનુસૂચિત જાતિ નો હોય તો તેનું સર્ટિફિકેટ
• અનુસૂચિત જનજાતિ હોય તો તેનું પ્રમાણપત્ર
• જો આત્માનું રજીસ્ટ્રેશન ધરાવતા હોય તો તેની વિગત
• જો ખેડૂત સહકારી મંડળીના સભ્ય હોય તો તેની વિગત
• વિકલાંગ અરજદાર માટે વિકલાંગ certificate

રીપર સહાય યોજના માટે અરજી કરવાનું સમય પત્રક

❖ અત્યારે ચાલુ યોજનાઓ ❖

❖  પપૈયાની ખેતી માટે મળશે ₹ 1 લાખ સુધીની સહાય
❖  નાળિયેરી ખેતી માટે મળશે ₹37 હજાર સુધીની સહાય
❖  ખારેકના રોપા અને ખેતી ખર્ચ માટે મળશે ₹ 2.5 લાખ ની સહાય
❖  ડ્રેગનફ્રૂટની ખેતી માટે ખેડૂતોને મળશે લાખો રૂપિયાની સહાય
❖  આંબા, જામફળ, દાડમ, લીંબુ જેવા ફળપાકો માટે મળશે લાખો રૂપિયાની સહાય
❖  કોમ્પ્રીહેન્સીવ હોર્ટીકલ્ચર ડેવલપમેન્ટ યોજના થકી મળશે 3 લાખ સુધીની સહાય
❖  કેળની ખેતી માટે મળશે ₹ 15 હજાર પ્રતિ હેક્ટરની સહાય
❖  ફળપાકોની ખેતી માટે મળશે ₹ 3 લાખ સુધીની સહાય
❖  આંબા તથા લીંબુના જુના બગીચાઓના નવસર્જન માટે મળશે ₹80,000 સુધીની સહાય
❖  આંબા જામફળની ખેતી માટે સહાય યોજના મળશે ₹44 હજાર સુધીની સહાય

રીપર યોજના માટે કઈ રીતે અરજી કરવી?

રીપર યોજના માટેનું ઓનલાઇન ફોર્મ i-khedut પોર્ટલ પર ઓનલાઈન ભરાય છે. નીચેના સ્ટેપ અનુસરી રીપર યોજના માટે અરજી કરી શકો છો.

1. સૌથી પહેલાં ikhedut નાં પોર્ટલ પર જાઓ.
2. તમારી સામે હોમ પેજ ખુલશે જેમાં મેનું માંથી યોજનાઓ ઓપ્શન પર ક્લિક કરો.
3. તમારી સામે નવું પેજ ખુલશે જેમાં ખેતીવાડી ની યોજનાઓ માટે અહીં ક્લિક કરો લખેલું હશે તેના પર ક્લિક કરો.
4. હવે ખેતીવાડીની યોજનાઓ માં ક્રમ નં 27 પર રીપર લખેલું છે જેના પર ક્લિક કરો.
5. નવા પેજમાં આ યોજના વિશેની સંપૂર્ણ માહિતી મળશે, જેમાં અરજી કરો લખેલું છે તેના પર ક્લિક કરો.
6. હવે તમને તમે રજિસ્ટર્ડ અરજદાર છો? એવું પૂછવામાં આવશે તેમાં હા કે ના પસંદ કરી, આગળ વધવા ક્લિક કરો બટન પર ક્લિક કરો.
7. નવા ખુલેલા પેજ પર નવી અરજી કરવા અહીં ક્લિક કરો બટન પર ક્લિક કરો.
8. હવે તમારી સામે અરજી કરવા માટેનું ફોર્મ ખુલી જશે જેમાં અરજદાર, બેંક, જમીન અને રેશનકાર્ડની વિગતો કાળજીપૂર્વક ભરો.
9. છેલ્લે કોડ નાખી અરજી સેવ કરો પર ક્લિક કરો. ત્યારબાદ અરજી એકવાર જોઈ લો અને બધી જ વિગતો સાચી હોય તો અરજી કન્ફર્મ કરો.
10. તે પેજ પર અરજી કન્ફર્મ કરવા અહી ક્લિક કરો બટન પર ક્લિક કરો અને તમારો અરજી નંબર અને જમીનનો ખાતા નંબર કે રેશન કાર્ડ નંબર તથા ફોટોમાં આપેલ કોડ નાખી તમારી અરજી કન્ફર્મ કરી લો. (ખાસ નોંધ : અરજી સેવ કર્યા પછી કન્ફર્મ કરવું જરૂરી છે. ફક્ત કન્ફર્મ કરેલ અરજી ધ્યાનમાં લેવાશે.)
11. છેલ્લે તમારી અરજીની પ્રિન્ટ કરી દો અને અરજીમાં લખેલ ડોક્યુમેન્ટ સાથે અરજીને જે તે કચેરીમાં નિયત સમયમાં પહોચાડી દો.

તમે નજીકની ગ્રામ પંચાયત કે CSC સેન્ટર પર જઈ રીપર યોજના માટેનું ફોર્મ ભરી શકો છો.

આ પણ વાંચો : વિનોવીંગ ફેન સહાય યોજના : અનાજ સાફ કરવા માટેના પંખાની ખરીદી માટે મળશે ₹30,000 ની સહાય